«Бир Дүйнө - Кыргызстан» укуктук кыймылы жыл сайын «Бир Дүйнө – Кыргызстан» адам укуктары боюнча даректүү тасмалардын эл аралык фестивалын өткөрөт.

Авг 29.2016

«Бир Дүйнө - Кыргызстан» укуктук кыймылы жыл сайын «Бир Дүйнө – Кыргызстан» адам укуктары боюнча даректүү тасмалардын эл аралык фестивалын өткөрөт. 

Фестивалдын максаты – маданият жана искусство – даректүү кино аркылуу адам укуктарын жана эркиндиктерин илгерилетүү. Реалдуу окуялардын мисалында көрүүчүлөр социалдык-экономикалык жана дүйнөдөгү саясий маселелерди терең түшүнүүгө мүмкүнчүлүк алат.

Фестивалдын слоганы - «Бир Дүйнө-Кыргызстан – бул бардыгына орун бар фестиваль!» - иш-чаранын жынысынан, улутунан, жаш курагынан жана социалдык статусунан көз карандысыз болбостон, бардыгы үчүн ачык жана жеткиликтүү экендигин түшүндүрөт. Ушундан улам ал калктын бардык категориядагы өкүлдөрүнө, айрыкча, аярлуу катмарына – мигранттарга, жаштарга, балдарга, улуттук азчылыктардын өкүлдөрүнө акыйкаттык, коррупция, адилет башкаруу, жарандардын укуктары жана милдеттери тууралуу талкууга тартылууга жана бийлик менен өз ара аракет этүү маданиятын калыптандырууга мүмкүнчүлүк берет.

Фестиваль адам укуктары боюнча даректүү тасмалардын чехиялык “Бир дүйнө” фестивалынын - Европадагы бүткүл дүйнө жүзүндө адам укуктарын жана эркиндиктерин коргоого таасир эткен танапташ уюму болуп саналат. Борбордук Азияда фестиваль адам укуктары боюнча даректүү тасмалардын жападан жалгыз фестивалы болуп эсептелет. Ал эл аралык деңгээлде өкмөттүн, эл аралык жана жарандык коомдун, эксперттердин жана режиссерлордун, маданий жана искусство ишмерлеринин, ЖМК өкүлдөрүнүн, укук коргоочулардын жана жалпы эле фестиваль сүйүүчүлөрдүн катышуусунда өткөрүлөт.

Бүгүнкү күндө «Бир Дүйнө – Кыргызстан» адам укуктары боюнча даректүү тасмалардын эл аралык фестивалынын форматында жарандык активисттер, жаш режиссёрлор жана дүйнөгө таанымал режиссерлор кирген бир пикирлештердин уникалдуу коомчулугу түзүлдү. Аларды адам укуктары жана эркиндиктеринин фундаменталдык баалуулуктары, татыктуу жашоого жана активдүү жарандык катышууга умтулуу бириктирет. Адам укуктары боюнча тасмалар Кыргызстандын борборуна гана эмес, аймактардагы алыскы айылдарга чейин жетти. Мектептердин жана университеттердин ыктыярчылары, мугалимдер жана ЖОЖдордун окутуучулары даректүү тасмаларды окуу программасында камтышууда. Кыргызстандыктардын аң-сезимдери барган сайын өзгөрүүдө жана алардын жарандык катышуусу жогорулоодо, жылдан жылга көрүүчүлөрдүн саны көбөйүп жатат.

2016-жылдын 1-5-ноябрында адам укуктары боюнча даректүү тасмалардын X эл аралык фестивалы өтмөкчү. Фестиваль 2007-жылдан бери эл аралык деңгээлде өкмөттүн өкүлдөрүнүн, эл аралык жана жарандык коомчулуктун, эксперттердин жана режиссерлордун, маданий жана искусство ишмерлеринин, ЖМК өкүлдөрүнүн, укук коргоочулардын жана жалпы эле фестиваль сүйүүчүлөрдүн катьышуусунда өткөрүлөт.

2016-жылдын 25-29-июль күндөрү Фестивалдын долбоорунун жумушчу тобу бекиткен Акыйкатчы, Эмгек жана социалдык өнүгүү министрлиги, БУУнун адам укуктары боюнча Жогорку комиссар башкармалыгы, Борбордук Азиядагы Тынчтыкты орнотуу жана медиатехнологиялар Мектеби, ЕККУ жана Жаштарды өнүктүрүү институту курамына кирген комиссия фестивалга тасмаларды тандоо максатында аларды көрүү үчүн жолугушту.

Фестивалда АКШ, Түштүк Африка, Мьянма, Кытай, Афганистан, Сенегал, Иран, Индия, Россия, Грузия, Борбордук Азиядан – Казакстан, Кыргызстан жана Өзбекстан сыяктуу өлкөлөрдүн тасмалары көрсөтүлөт. Тасмалардын ар бир көрсөтүлүп бүткөндөн кийин салттуу түрдө даректүү тасмалар авторлору жана алдыңкы эксперттердин катышуусунда көрүүчүлөр менен бирге талкуулар жүрөт. Азыркы тапта курамына ар кыл өлкөлөрдөн эксперттер кирген Фестивалдын калыстар тобу түзүлүүдө. Фестивалдын уюштуруучулары фестивалдын өтүүчү ордун издөө менен алектенип жатышкандыктан, бул тууралуу кошумча кабарланат.

2016-жылдын 22-23-августунда уюм Алма-Ата шаарында «АРГО» жарандык коомду өнүктүрүү ассоциациясы тарабынан өткөрүлгөн Борбордук Азияда жарандык коомду өнүктүрүү боюнча Пилоттук инновациялык лабораториянын ишине катышып келишти. Борбордук Азия өлкөлөрү тарабынан сунушталган башка инновациялардын катарында «Бир Дүйнө-Кыргызстан» УК адам укуктары боюнча даректүү тасмалардын эл аралык фестивалы жөнүндө өз инновациясын лабораториянын катышуучуларына көрсөттү. Лабораториянын катышуучулары фестивалдын масштабдык жана эл аралык мүнөзүн белгилешти. Ошондой эле, фестиваль жарандык активдүүлүктү өнүктүрүүдө инновациялык өбөлгө жана адамдардын ар кыл топторунун социалдык маселелерин талкуулоо үчүн аянтча болуп санала турганы белгиленди.

 

КЫМБАТТУУ ДОСТОР!

КЫМБАТТУУ ДОСТОР!
САЙТЫБЫЗДЫН КАДЫРМАН МЕЙМАНДАРЫ!
«Бир Дүйнө - Кыргызстан» укуктук кыймылы» коомдук бирикмеси сизден материалдык колдоо көрсөтүүнү өтүнөт!

Кайрымдуулук

Биздин сын-пикирлер

Шахбоз Латипов

Шахбоз Латипов

Юридикалык билим жөнүндө диплом тажрыйба менен тастыкталышы керек

Шахбоз Латипов 24 жашта, жаш адвокат: “Мен БДКга стажировкага келгенимде юридикалык жана укук коргоо ишмердүүлүгү боюнча тажрыйбам жок болчу. Өзүмдөн улуу тажрыйбалуу кесиптештерим менен сот процесстерине катышып, документтерди өздөштүрө баштадым. Бара-бара жетекчим Хусанбай Салиев мага документтерди даярдоону ишенип тапшыра баштады, кылдат текшерип, жөндүү кеңештерин берди. Тажрыйба убакыттын өтүшү жана эмгектенүү менен келет. Күн сайын бизге жардамга муктаж болгон ондогон адамдар келишет, алардын көбү социалдык жактан аярлуу катмардагылар: аз камсыз, көп балалуу, улгайган жарандар. Укуктук уюмдун юристине кээде психологдун функциясын аткарууга туура келет, бул жерде кесипкөйлүктү сактап, эмпатиясын билдире алышы кажет. 2019-жылдын аягында мен адвокаттык ишмердүүлүк менен алектенүү укугуна сынакты ийгиликтүү тапшырып, адвокат катары иш алып бара баштадым. Оор маселелер боюнча кесиптештериме кайрылам, алар көмөк көрсөтүшөт. Уюмдун эң күчтүү жагы ушунда: колдоо жана түшүнүү бар”.

Феруза Амадалиева

Феруза Амадалиева

Уюм аймактарды бириктирет

Феруза Амадалиева соцкызматкер, лидер педагог: “БДКнын тренингдик окуулары аймактардагы катышуучулар менен таанышууга мыкты мүмкүнчүлүк түзүп берет, биз соцтармактарда пикир алышуубузду улантабыз, иш-чараларда жолукканыбызда жакын достордой көрүшөбүз, биздин ортобузда абдан жылуу мамиле орун алган! Иш-чараларда мен өз билимимди кеңейте алдым, системалаштырдым, практика жүзүндө кантип колдонуу керектигин тастыктадым. Мага модулдар, окутуу системасы жана практика: ролдоштурулган оюндар, теория, талкуулар абдан жагат. Ар бир адам ачылат. Мен башка аярлуу айымдар үчүн лидер болууга жетиштим, аларга жардам берүүгө жана ушул сыяктуу иш-чараларга тартууга аракет кылам”. Феруза Амадалиева БДК уюштурган көптөгөн иш-чаралардын туруктуу катышуучусу, аярлуу катмардагы аялдарга укуктук кеңештерди берүү үчүн БДКнын юристтерин чакырып турат.

Нуриза Талантбек кызы

Нуриза Талантбек кызы

Өзүмдө ишенич пайда болду

Нуриза Талантбек кызы 2019-жылдын жайында даректүү тасмаларды аймактарда көрсөтүүгө активдүү катышкан, кыйноолордун курмандыктарын коргоо күнүнө арналган өнөктүктү өткөрүүдө уюштуруу иштерине жардам берген, сапарларга барган, аялдардын лидерлиги боюнча тренингдик окуулардан өткөн. Ал буга чейин мигранттык турмушту башынан кечирген, Ошто бейөкмөт уюмдардын биринде иштеген, азыркы учурда Бишкекте кызмат көрсөтүү жаатында иштейт. Тренингдик окуулардан өтүшүн ал “баа жеткис тажрыйба” деп эсептейт. “Менин мындай иш-чараларга биринчи жолу катышышым, андан мага абдан керектүү маалыматтарды алдым, бул үчүн уюштуруучуларга чын дилимден ыраазычылыгымды билдирем. Жашоомдо оор учурлар болгон, мен алган билимдеримдин артында аларды жеңе алдым, күчтөндүм! Тренингдик окуулардан кийин өзүмө ишенич жаралды, адам укугунун маңызын терең түшүнүп, өз кызыкчылыктарымды коргоого үйрөндүм”.

Шукурулло Кочкаров

Шукурулло Кочкаров

Соттолуучу каза тапты. Аны реабилитациялоо боюнча иштер жүрүп жатат.

Шукурулло Кочкаровдун иши оор иштер боюнча жумуштар уланып жатканын айкындап турат. Ал 2010-жылдагы кыйноолордон кийин майыптыкка учурады. Тагылган айыптардын бир беренеси боюнча акталууга жетишти, аны реабилитациялоо жана зыяндын ордун толтуруу үчүн кыйноолордун курмандыгы катары таануу боюнча иштер жүрүп жатат. Соттор Шукурулло Кочкаровсуз улантылууда – ал 2019-жылдын 2-августунда көз жумду. Анын кызыкчылыктарын атасы Саидазиз Кочкаров жактоодо, ал дагы көзүнүн көрүүсү боюнча майып. “Бизди көп жылдардан бери БДК кызматкерлери колдоп келе жатышат, менин уулумдун ишин алып барышууда, аны сотко алып келишти, анткени, ал өз алдынча кыймылдай албай калган, биздин үй-бүлөгө ар убакта жардам беришет: аялым экөөбүз тең реабилитациялоо курсунан өттүк, уулумду дары-дармектер менен камсыз кылууга жардам беришти, ар кандай жардамдарды көрсөтүштү”.

Дильер Джумабаев

Дильер Джумабаев

Кыйноолордон жабыр тарткандарга ар тараптуу жардам

Кара-Суу районунун тургуну Дильер Жумабаев укук коргоо органдары менен пикир алышууда чоң тажрыйбага ээ. 2010-жылы ага курал-жарактарды сактоо боюнча айып тагылган, юристтердин ишинин натыйжасында ал акталган. Эки жылдан кийин анын үйүндө экстремисттик мүнөздөгү материалдарды табуу максатын көздөгөн биринчи тинтүү жүргөн, бирок, эч нерсе табышкан эмес. 2014-жылы аны экстремисттик материалдарды сактагандыгы үчүн айыптышкан. Сотто прокурор 15 жылга эркинен ажыратууну сураган, сот 6 жылга эркинен ажыраткан. Бир нече жылдан кийин ал шарттуу-мөөнөтүнө чейин бошотулган. “Мен БДКнын квалификациялуу укуктук жардам көрсөтүшкөнү үчүн ыраазымын. Кыйноолордон жабыркагандарды реабилитациялоо курсуна катыштым. Ар кандай укук бузууларга туш келгенде ушул уюмга кайрылууну сунуш кылам”.

Партнерлор

Бардык укуктар корголгон © 2020

Сайтты иштеп чыккан: http://webformat.kg