Свердлов райондук сотунун тергөө судьясы Түмөнов А.Ж. укук коргоочу Азимжан Аскаровдун өлүмгө учуроо фактысы боюнча тергөө иштерин токтоткондугу боюнча адвокат А.Сыдыковдун даттануусун кароон

Июл 02.2021

 

«Бир Дүйнө Кыргызстан» укук коргоо кыймылы, адвокат Айдар Сыдыков 2020-жылдын 25-июлунда 47 ТКда укук коргоочу Азимжан Аскаровдун өлүмгө учуроо фактысы боюнча Хадича Аскарованын укуктарын жана кызыкчылыктарын коргоону улантат.


2021-жылдын 1-июль күнү Бишкек шаарынын Свердлов   райондук сотунда  адвокат А.Сыдыковдун   Азимжан Аскаровдун өлүмгө учуроо фактысы боюнча АИС ЕРПП №03-860-2020-000152 катталган сотко чейинки өндүрүштү токтотуу жөнүндө КРнын Юстиция министрлигинин алдындагы ЖАМКнын Тергөө башкармалыгынын ага тергөөчүсүнүн, ага лейтенант а/к А.Молдажиевдин токтомун мыйзамсыз жана негизсиз деп табуу жөнүндө Хадича Аскарованын кызыкчылыктарын коргоо боюнча даттануусу каралды.

 

Сот отурумунун катышуучулары:

Түмөнов А.Ж,  Бишкек ш.  Свердлов райондук сотунун тергөө судьясы;
Ажибаева А.К., соттук отурумдун секретары;
С.Токтогулов, жазык-аткаруу мекемелеринде жана органдарында мыйзамдардын аткарылышын көзөмөлдөө боюнча прокурордун ага жардамчысы;
А.Молдажиев,  а/к ага лейтенанты;

А.Ж.Сыдыков, адвокат.

 

Тилекке каршы, Бишкек ш.  Свердлов райондук сотунун тергөө судьясы Түмөнов А.Ж.    адвокат  А.Сыдыковдун даттануусу боюнча соттук материалдын өндүрүшүн токтотту. Тергөө   судьясы өз чечимин сотко чейинки өндүрүштү токтотуу жөнүндө токтомго даттануу даттануунун мөөнөтү өткөндөн кийин, 2021-жылдын 28-июнунда  берилгендигин, ал эми А.Аскаровдун каза табуу фактысы боюнча сотко чейинки өндүрүштүн токтотулушу жөнүндө токтом адвокаттар тарабынан 2021-жылдын 16-июнунда алынгандыгын негиздеме кылды. 

«Бир Дүйнө Кыргызстан» УК  2021-жылдын 16-июнунда   «Бир Дүйнө Кыргызстандын» адвокаттары жана адвокат Айдар Садыков сотко чейинки өндүрүштү токтотуу жөнүндө токтомдун көчүрмөсүн, ошондой эле, сотко чейинки өндүрүштүн материалдарынын 2 томун алышканын тастыктайт. 

Жазык-процессуалдык кодексинин 250-беренесинин 2-бөлүгүнө ылайык, "даттануунун мөөнөтү кылмыш ишин токтотуу жөнүндө токтомду алган күндөн тартып 10 күндү түзөт.  Бул адвокаттын таанышуу жөнүндөгү  билдирүүсү, өндүрүштүн датасы, иштин материалдарын сүрөткө тартуу менен ырасталат жана сот тарабынан танылган жок. 

Анткени менен, мөөнөттү эсептөө КРнын ЖПКнин 141 беренелеринин эрежеси боюнча жүргүзүлүшү керек:

2) сутка менен мөөнөттү эсептөөдө мөөнөттүн аралыгы башталган күн эсепке алынбайт, т.а. биздин жагдайда мөөнөт 17-июндан баштап эсептелет.

3) эгерде мөөнөттүн аякташы жумуш эмес күнгө туш келсе, анда мөөнөттүн акыркы күнү болуп биринчи жумушчу күн эсептелет, эс алуу күнүнөн же майрам күнүнөн кийинки, кармоодогу, камакта кармалуудагы, үй абагындагы жана медициналык мекемеде болгондон башка учурларда;

Аталган жагдайда даттанууну берүүнүн акыркы мөөнөтү 26-июнга, ишемби күнгө туш келген, т.а. жумушчу эмес күнгө, буга ылайык арыз берүүнүн акыркы мөөнөтү 2021-жылдын 28-июну болуп саналат. Даттануу акыркы күнү берилген, себеби иштин 2 томдук материалдары адистер тарабынан терең иликтөөнү талап кылган. Мындан тышкары, биз соттук-медициналык экспертизанын корутундусуна адистердин корутундусун алууга ниет кылганбыз.

Өзүнүн чечими менен тергөө судьясы  Түмөнов А.Ж. сотко чейинки өндүрүштү токтотуу менен ыйгарым укугун жогорулатты. 

Ошондой эле, судья ишти маңызы боюнча карай баштады жана чечим кабыл алуу үчүн жыйындар бөлмөсүнө кирип кетти, ошол убакта ишти маңызы боюнча кароо башталганга чейин мөөнөтүн көңүлгө алууф зарыл болчу.

262-беренеге ылайык аракетке даттанууларды кароонун тартиби,  сотко чейинки өндүрүштүн кызматтык жактардын чечимдери "соттук отурумдун башталышында тергөө судьясы кандай даттануу кароого жата турганын жарыялайт, арыз берүүчүгө укуктарын жана милдеттерин түшүндүрөт. Арыз берүүчү эгер ал соттук отурумга катышып жатса,  даттанууну негиздейт, андан кийин соттук отурумга келген башка жактардын пикирлери угулат. Тиешелүү кабар берилген арыз берүүчүнүн жана кызматтык жактын келбей калуусу даттанууну кароо үчүн тоскоол болуп саналбайт. Даттануу каралбайт, эгерде даттануу даттануу берүүгө укугу жок жак тарабынан берилсе;  даттануу бул сотто кароого жатпаса; даттануу аталган кодексте каралган арыз-даттануунун мөөнөтү бүткөндөн кийин берилсе жана аны берген жак бул мөөнөттү кайрадан жаңыртуу жөнүндө маселени койбосо же тергөө судьясы  арыз берүүчү жак боюнча аны кайра калыбына келтирүү үчүн негиздемелерди таппаса; даттануу мурда ушундай эле негиздеме же дооматтар боюнча каралса".


 Буга байланыштуу:

1.Биз судьянын аракетине соттордун дисциплиналык комиссиясына даттануу кылуу ниетиндебиз;
2. Бишкек шаардык сотунда токтотуу жөнүндө токтомго даттануу берүү.

 

Суроолор пайда болгон учурларда Сизден  «Бир Дүйнө Кыргызстан» УКна: 0312 317671, 0550184095 телефону, адвокат Айдар Сыдыковго: 0556161038 телефону боюнча кайрылыңыздар.



КЫМБАТТУУ ДОСТОР!

КЫМБАТТУУ ДОСТОР!
САЙТЫБЫЗДЫН КАДЫРМАН МЕЙМАНДАРЫ!
«Бир Дүйнө - Кыргызстан» укуктук кыймылы» коомдук бирикмеси сизден материалдык колдоо көрсөтүүнү өтүнөт!

Кайрымдуулук

Биздин сын-пикирлер

Шахбоз Латипов

Шахбоз Латипов

Юридикалык билим жөнүндө диплом тажрыйба менен тастыкталышы керек

Шахбоз Латипов 24 жашта, жаш адвокат: “Мен БДКга стажировкага келгенимде юридикалык жана укук коргоо ишмердүүлүгү боюнча тажрыйбам жок болчу. Өзүмдөн улуу тажрыйбалуу кесиптештерим менен сот процесстерине катышып, документтерди өздөштүрө баштадым. Бара-бара жетекчим Хусанбай Салиев мага документтерди даярдоону ишенип тапшыра баштады, кылдат текшерип, жөндүү кеңештерин берди. Тажрыйба убакыттын өтүшү жана эмгектенүү менен келет. Күн сайын бизге жардамга муктаж болгон ондогон адамдар келишет, алардын көбү социалдык жактан аярлуу катмардагылар: аз камсыз, көп балалуу, улгайган жарандар. Укуктук уюмдун юристине кээде психологдун функциясын аткарууга туура келет, бул жерде кесипкөйлүктү сактап, эмпатиясын билдире алышы кажет. 2019-жылдын аягында мен адвокаттык ишмердүүлүк менен алектенүү укугуна сынакты ийгиликтүү тапшырып, адвокат катары иш алып бара баштадым. Оор маселелер боюнча кесиптештериме кайрылам, алар көмөк көрсөтүшөт. Уюмдун эң күчтүү жагы ушунда: колдоо жана түшүнүү бар”.

Феруза Амадалиева

Феруза Амадалиева

Уюм аймактарды бириктирет

Феруза Амадалиева соцкызматкер, лидер педагог: “БДКнын тренингдик окуулары аймактардагы катышуучулар менен таанышууга мыкты мүмкүнчүлүк түзүп берет, биз соцтармактарда пикир алышуубузду улантабыз, иш-чараларда жолукканыбызда жакын достордой көрүшөбүз, биздин ортобузда абдан жылуу мамиле орун алган! Иш-чараларда мен өз билимимди кеңейте алдым, системалаштырдым, практика жүзүндө кантип колдонуу керектигин тастыктадым. Мага модулдар, окутуу системасы жана практика: ролдоштурулган оюндар, теория, талкуулар абдан жагат. Ар бир адам ачылат. Мен башка аярлуу айымдар үчүн лидер болууга жетиштим, аларга жардам берүүгө жана ушул сыяктуу иш-чараларга тартууга аракет кылам”. Феруза Амадалиева БДК уюштурган көптөгөн иш-чаралардын туруктуу катышуучусу, аярлуу катмардагы аялдарга укуктук кеңештерди берүү үчүн БДКнын юристтерин чакырып турат.

Нуриза Талантбек кызы

Нуриза Талантбек кызы

Өзүмдө ишенич пайда болду

Нуриза Талантбек кызы 2019-жылдын жайында даректүү тасмаларды аймактарда көрсөтүүгө активдүү катышкан, кыйноолордун курмандыктарын коргоо күнүнө арналган өнөктүктү өткөрүүдө уюштуруу иштерине жардам берген, сапарларга барган, аялдардын лидерлиги боюнча тренингдик окуулардан өткөн. Ал буга чейин мигранттык турмушту башынан кечирген, Ошто бейөкмөт уюмдардын биринде иштеген, азыркы учурда Бишкекте кызмат көрсөтүү жаатында иштейт. Тренингдик окуулардан өтүшүн ал “баа жеткис тажрыйба” деп эсептейт. “Менин мындай иш-чараларга биринчи жолу катышышым, андан мага абдан керектүү маалыматтарды алдым, бул үчүн уюштуруучуларга чын дилимден ыраазычылыгымды билдирем. Жашоомдо оор учурлар болгон, мен алган билимдеримдин артында аларды жеңе алдым, күчтөндүм! Тренингдик окуулардан кийин өзүмө ишенич жаралды, адам укугунун маңызын терең түшүнүп, өз кызыкчылыктарымды коргоого үйрөндүм”.

Шукурулло Кочкаров

Шукурулло Кочкаров

Соттолуучу каза тапты. Аны реабилитациялоо боюнча иштер жүрүп жатат.

Шукурулло Кочкаровдун иши оор иштер боюнча жумуштар уланып жатканын айкындап турат. Ал 2010-жылдагы кыйноолордон кийин майыптыкка учурады. Тагылган айыптардын бир беренеси боюнча акталууга жетишти, аны реабилитациялоо жана зыяндын ордун толтуруу үчүн кыйноолордун курмандыгы катары таануу боюнча иштер жүрүп жатат. Соттор Шукурулло Кочкаровсуз улантылууда – ал 2019-жылдын 2-августунда көз жумду. Анын кызыкчылыктарын атасы Саидазиз Кочкаров жактоодо, ал дагы көзүнүн көрүүсү боюнча майып. “Бизди көп жылдардан бери БДК кызматкерлери колдоп келе жатышат, менин уулумдун ишин алып барышууда, аны сотко алып келишти, анткени, ал өз алдынча кыймылдай албай калган, биздин үй-бүлөгө ар убакта жардам беришет: аялым экөөбүз тең реабилитациялоо курсунан өттүк, уулумду дары-дармектер менен камсыз кылууга жардам беришти, ар кандай жардамдарды көрсөтүштү”.

Дильер Джумабаев

Дильер Джумабаев

Кыйноолордон жабыр тарткандарга ар тараптуу жардам

Кара-Суу районунун тургуну Дильер Жумабаев укук коргоо органдары менен пикир алышууда чоң тажрыйбага ээ. 2010-жылы ага курал-жарактарды сактоо боюнча айып тагылган, юристтердин ишинин натыйжасында ал акталган. Эки жылдан кийин анын үйүндө экстремисттик мүнөздөгү материалдарды табуу максатын көздөгөн биринчи тинтүү жүргөн, бирок, эч нерсе табышкан эмес. 2014-жылы аны экстремисттик материалдарды сактагандыгы үчүн айыптышкан. Сотто прокурор 15 жылга эркинен ажыратууну сураган, сот 6 жылга эркинен ажыраткан. Бир нече жылдан кийин ал шарттуу-мөөнөтүнө чейин бошотулган. “Мен БДКнын квалификациялуу укуктук жардам көрсөтүшкөнү үчүн ыраазымын. Кыйноолордон жабыркагандарды реабилитациялоо курсуна катыштым. Ар кандай укук бузууларга туш келгенде ушул уюмга кайрылууну сунуш кылам”.

Партнерлор

Бардык укуктар корголгон © 2020

Сайтты иштеп чыккан: http://webformat.kg